星级人气 火锅 鸡煲私房菜 @Dining娜

时间:2020-07-15 作者:
(Presented by新南苑)

相信很多「观塘友」曾经喺仁爱围嘅大牌档帮衬过,吃货Dining娜亦经常喺嗰度搵食。仲记得未重建之前,每当夜晚,仁爱围都非常热闹,灯火通明,晚饭、消夜选择多:小菜、打边炉、打冷、煲仔饭、云吞麵……其中一连佔6个舖位嘅新南苑由90年代起家,佢哋嘅打冷、镬气小炒都深深吸引住区内食客,越做越旺,更成为「观塘友」嘅滋味回忆。

观塘重建,新南苑转战到牛头角熟食市场,再去到旺角以 火锅 鸡煲私房菜 为主题开店,将大家嘅儿时回忆延续,再发扬光大。新店同以前最大分别係,依家专注只做海鲜 火锅 同蒸锅套餐嘅预订 私房菜 ,用嘅都係新鲜靓料,不时仲有艺员明星专程嚟帮衬。呢度有VIP房,私隐度高,同班friends嚟呢度烚下烚下可以慢慢倾。

零味精自家製 火锅 汤底

我Dining娜最追求係食材嘅真鲜味,我好欣赏新南苑嘅 火锅 汤底全部都用新鲜食材,坚持不加味精。例如1锅看似简单嘅新鲜蟹锅花蛤汤底,除咗用原只大蟹同花蛤之外,仲落咗番茄、薯仔、萝蔔、马蹄、粟米、秀珍菇大量配料熬製,鲜甜度十足,最重要係食到海鲜同食材嘅原汁原味,我班嘴刁朋友都话汤底唔会越饮越渴,感觉好似饮紧妈妈煲嘅自家靓汤咁!识食嘅梗係先饮零味精靓汤,然后先打边炉啦!

星级人气 火锅 鸡煲私房菜 @Dining娜
新鲜蟹锅花蛤汤底 单係原只大蟹同花蛤已够鲜甜味美,汤底仲加入番茄、粟米、马蹄等熬製,不加味精,食尽原汁原味。
星级人气 火锅 鸡煲私房菜 @Dining娜
澳门猪骨浓汤锅底汤底用猪骨、南瓜、红萝蔔等熬製,浓而不腻,一定要先饮咁有住家风味嘅靓汤,然后慢慢打边炉。

必食顶级生猛海鲜

新南苑嘅 私房菜 实行半放题套餐形式,有传统 打边炉,亦有蒸汽 火锅 ,以新鲜海鲜驰名。店主透露,做 私房菜 嘅其中1个原因係,佢哋有柯打先订货,当日新鲜运到,生猛海鲜、新鲜靓牛固之然係即日送到,连蔬菜等其他 火锅 配料都係每日新鲜送到,令人佩服。

私房套餐每位$258起,部分配料可免费追加,包括贵价嘅龙趸片、脆鲩片、虾等上乘海鲜,仲有豚肉、蔬菜同多种配料,CP值高。

星级人气 火锅 鸡煲私房菜 @Dining娜
生猛海鲜拼盘海鲜每日新鲜到店,每位均有6至8款时令海鲜,包括新鲜蛏子、鲍鱼、生蚝、虾等等,可以打边炉或者蒸汽锅都得。
星级人气 火锅 鸡煲私房菜 @Dining娜
火锅或蒸汽锅都有不同款式嘅海鲜拼盘选择,视乎你锺意食咩海鲜,呢款就有龙虾、带子、鲍鱼、生蚝。

先鸡煲后 火锅

身边好多 火锅 精同时都係重口味一族,新南苑就满足到佢哋两个要求:套餐係先食鸡煲,然后自选汤底打边炉。招牌鸡煲係每日新鲜即製,用黄油鸡再混入四川麻辣酱同20几种香料同配料秘製而成,四川嘅椒麻香味有层次又唔呛,好惹味,据闻每日有60客柯打,厉害!

星级人气 火锅 鸡煲私房菜 @Dining娜
招牌鸡煲用四川麻辣酱同20几种配料炮製,味道浓郁有层次,食落较坊间嘅乾身,食完放汤打边炉都唔太油腻。
星级人气 火锅 鸡煲私房菜 @Dining娜
新鲜手切牛颈脊严选牛颈脊係贪佢肉质软腍,肥瘦适中,人手切製能掌握肉质纹理,焯后好鬆化。
星级人气 火锅 鸡煲私房菜 @Dining娜
设有13间VIP房,分别可容纳4至40人,只约几个闺密都可以订房边食边倾偈。

3大识食hashtag

如果你係夜猫子,放工想饮啖无味精靓汤兼打边炉、食鸡煲就最啱,10点后入座有8折(折实每位$208),仲免加一、免前菜、免酱油添!最正係呢度仲可以睇英超球赛,边睇波边打边炉一流!

#无味精 #火锅 #鸡煲

新南苑 私房菜火锅鸡煲

旺角店:弥敦道678号华侨商业中心3楼(港铁旺角站D1出口)

预约电话:2877 3690、9311 8877(须预约)

湾仔店:卢押道18号海德中心2楼(2017年4月中开业)

备注:设加一,收现金及信用卡

facebook:新南苑私房菜

    相关推荐